U Njemačkoj od jučer važe nove pandemijske mjere: Na snagu stupio “3G” koji je izazvao žestoka protivljenja

0
124

Savezna država i njemačke pokrajine donijele su zajedničku odluku da od ponedjeljka (23.08.) građani neće moći u kafanu ili bioskop ako nemaju dokaz o vakcinaciji, negativnom testu ili o preležanom COVID-u.

Pristup javnim prostorijama od jučer imaju samo osobe koje su vakcinisane, negativno testirane ili su preležale bolest pa imaju potvrdu da su ozdravile. Prema dogovoru savezne države i pokrajina ova pravila važe za klinike, domove za stare osobe, teretane, bazene, frizerske salone, hotele, restorane ali i za razne priredbe, piše DW.

Ovo pravilo se zove“3G“ pošto na njemačkom sve tri riječi – vakcinisan, testiran i ozdravio – počinju sa slovom „g“.

Prošle subote je incidenca za sedam dana – broj oboljelih na 100 000 stanovnika – prvi put od maja premašila 50. Najveći skok broja novozaraženih ima Sjeverna Rajna – Vestfalija, tamo je 99,2 novih slučajeva COVID-a na 100 000 stanovnika, dok je na drugom mjestu Berlin. U glavnom gradu Njemačke ta brojka iznosu 67,3.

Raste i broj pacijenata oboljelih od COVID-a koji moraju da se zbrinu u bolnicama. Naročito su pogođene osobe koje imaju između 35 i 59 godina. Skoro sve nove infekcije je prouzrokovao zarazniji delta soj. Prema porodacima Instituta Robert Koh ljudi koji imaju potpunu vakcinacionu zaštitu često se manje zaražz, a oni koji se ipak razbole veoma rijetko imaju teži oblik bolesti. Doduše, od februara se uprkos vakcinaciji zarazilo više od 13.000 ljudi. Ali samo 2,4 odsto pacijenata koji imaju između 18 i 59 godina , a liječe se na stanicama intentivne njege, vakcinisani su u potpunosti.